Посета од идните фармацевти

Како составен дел од наставната програма, триесетина ученици од трета година од профилот Фармацевтско лаборантски техничар при  СОУ  Ѓорче Петров од Прилеп  беа во посета на Хемиската лабораторија во Витаминка.
 
Директорот на Контролно-развојната лабораторија Натали Петреска, ги запозна учениците со видовите контрола на квалитет кои постојат во Витаминка, а шефот на Хемиската лабараторија Олга Ристеска, пак, со работата на лабараторијата и мерните инструменти што се користат при разни анализи.
 
Ана Кироваков, технолог истражувач ги запозна учениците со процесот на развој на нови производи. Учениците имаа можност да видат дел од испитувањата што се прават во лабораторијата. Исто така, учениците можеа да слушнат на кој начин се врши дегустација на производи, при што и самите имаа можност да дегустираат некои од производите на Витаминка и да се уверат во нивниот врвен квалитет.
 
 
 

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Наумоски доби признание од СКМ

Специјално признание од Стопанската Комора на Македонија за долгогодишната коморска активност доби Симон Наумоски, истакнат бизнисмен и претседател на Управниот одбор на П.И. „Витаминка“ АД Прилеп.